Li navçeya Pilemûriyê ya Dêrsima Bakurê Kurdistanê masîgiriya ku bi elektirîkê tê kirin dibe sedema mirina gelek masiyan.
Li gundê Pirdosorê yê li ser navçeya Pilemûriyê welatiyên ku dîtin di çem de gelek masî mirine Rêveberiya Çandinî û Daristanê ya Bajêr ji bûyerê agahdar kirin.
Ekîbên çûbûn gundê Pirdosorê lêkolîn dan destpêkirin.
Xelkê gund Umît Bayram ji rojnamevanan re got masîgirên diçin çêm û bi qaçaxî masiyan digirin, elektirîkê didin avê û ev jî zirarê dide masiyan.
Bayram got divê ajel û sirûş bên parastin û wiha pê de çû: "Sirûş têra me hemûyan dike, divê mirov evqas çavbirçî nebin. Însan divê destê xwe bidin li ser wîjdana xwe, ev masî şewitîne û wisa hişk bûne. însanek divê vê yekê neke."
Bayram herwiha diyar kir ku ji ber masîgir bi qaçaxî elektirîkê dixin nav avê û bi wî awayî masiyan digirin, evqas masî dimirin