Navenda Nûçeyan- Li Colemêrgê 5 dever wek ‘navçeya ewlehîya taybet’ hatin ragihandin.
Li parêzgeha Colemêrgê ya Bakurê Kurdistanê û 4 bajarokên wê, pênc dever wek `navçeya ewlehîya taybet` hatin ragihandin. Çûna welatîyan a wan navçeyan jî hat qedexekirin.
Walîtîya Colemêrgê bi daxuyanîyekê ragihand ku 5 deverên ser bi navenda bajêr û qezayên wê Çelê, Şemzînan, Gever û Rûbarokê ji roja 29ê Cotmeha 2019 demjimêr 00.00 heta 12ê Mijdara 2019 demjimêr 00.00ê wek `navçeya ewlehîya taybet` hatine ragihandin.
Di daxuyanîya Walîtîya Colemêrgê de tê îdîakirin ku ji bo parastina can û malê welatîyan ev biryar hatîye dayîn û daxwaz ji welatîyan tê kirin ku bê destûr neçin wan deverên ku wek navçeya ewlehîya taybet hatine ragihandin.