Li Mehabadê di navbera pêşmergeyên Rojhilatî û pasdarên Îranê de şer derket
Hizba Demokrat ya Kurdistana Îranê (HDKA) ragihand, du pêşmergeyên wan di şerê pasdarên Îranê de şehîd bûne.
HDKA di daxuyaniyekê de ragihandiye, derengiya şeva 20 vê mehê li navbera bajarên Mehabad û Bokan yên Rojhilatê Kurdistanê de di navbera pêşmergeyên wan û pasdarên Îranê de şer derket.
Di daxuyaniyê de hatiye gotin, di wî şerî de ku bi kemîna pasdaran dest pê kiribû, komek pasdar hatine kuştin û çendek jî birîndar bûne, her wiha du pêşmergeyên wan jî şehîd bûne lê yên din karîne xwe ji rizgar bikin.
Li gorî agahiyên HDKA, navê yek ji wan pêşmergeyên Enwer Nesîrî Çîyane û navê yê din jî Sohrab Xedîrpûr bûye, her du jî xelkê bajarê Mehabadê bûne.