Li gor nûçeya Tîgrîs Haberê Şaredariya Bajarê Mezin a Amedê ku ji aliyê qeyûm ve tê birêvebirin, li ser malpera Serokatiya Daîreya Xebatkaran belav kiribû ku 387 kesan bo kar werbigirin.
Piştî ragihandinê, welatiyên Amedî, dokumanên xwe amade kirin û bo serlêdana kar bikin, li ber Navenda Kongre û Çandê ya girêdayî Şaredariya bajarê Mezin a Amedê rêzên dirêj pêk anîn.
Jêderên şaredariyê diyar kir ku di nava pênc rojan de nêzîkî 3 hezar kesî serî lê daye.
Li aliyekî din hin jêderên ji şaredariyan ku nexwestin navên wan werin eşkerekirin ji Rûpela Nû re ragihandin, ev serlêdan giş formalîte ne û kesên ku bo kar werine wergirtin beriya serlêdanê hatine diyarkirin û qeyûm û rêvebirî, berî ku ji rêvebiriya Şaredariyê dûr bibin, dixwazin kesên nêzîkî wan bixine kadroya şaredariyê lewre, ji berê de, kesên ji malbatên leşker, polês û cerdevanan hatine diyarkirin û ew ê werine bicihkirin û derdê wan ew e ku berî ku biçin, kadroyên xwe lê bicih bikin.
(Rûpela Nû/ Tîgrîs Haber)