Li 21 gundên sêgoşeya Licê, Pasûr û Farqînê qedexeya çûn û hatinê îro Pêncşemê (13.12.2018) saet 06.00ê destpê kir û heta fermaneke duyem dê berdewam be.
Li gor daxuyaniya parêzgeha Amedê ji ber operasyonên leşkerî yên ku li navçeyên Licê, Pasûr û Farqînê dest pê bikin ew qedexe hate ragihandin.
Gundên qedexe lê hatine ragihandin ev in:
Li gundên Hezmaz, Cofitnê, Beşişt, Gir, Entax, Bamitnê, Sinî û gomên girêdayî wan ên Licê.
Li gundên Kamikan, Çirik, Temirankebir, Malamekî, Malbazî, Temransaxir, Godernê, Şavûşan, Kanikan, Barinê, Araşkan, Şerefkan û gomên wan ên Pasûrê.
Li gundên Şêlima û Cûmatê û gomên girêdayî wan ên Farqînê.
Li gorî daxuyaniyê nabe bi ti awayekî xelkê wan deveran hatin û çûnê bikin.
Herwiha hat zanîn ku ku piştî ragihandina qedexeyê li herêmê li tevgera leşkerî dest pê kiriye.