Li parêzgeha Agirî ya Bakurê Kurdistanê li ser pirsgirêka erd û zeviyan 3 kes hatin kuştin û 12ê din jî birîndar bûn.
Bûyer şeva borî li gundê Qanicî yê ser bi bajarokê Patnosa Agiriyê qewimî.
Li gor agahiyan, li ser erd û zeviyan destpêkê nîqaş di navbera du malbatan de çêdibe û piştre dibe şerê bi çekan.
Hat ragihandin, li cihê bûyerê 2 kes hatin kuştin û li nexweşxaneyê jî birîndarekê canê xwe ji dest da. Di şer de bi giştî 3 kes hatin kuştin û 12 din jî birîndar bûn.
Li gor zanyariyan, 3 birîndar ku li nexweşxaneya Patnosê hatine razandin, rewşa wan a tendirûstî nebaş e.
Hêzên ewlekariyê jî li gundê Qanicî belav bûne û tedbîrên tund wergirtine û derbarê bûyerê de lêkolîn hatiye destpêkirin.