Wezîrê Karanê Teberî yê Rûsya Sergey Lavrov û Wezîrê Karanê Teberî yê Amerîka Mike Pompeo bajarê Rûsya Soçî de kom bîy.
Her di wezîran zî îzah kerd ke Mabênê Amerîka û Rûsya de demê dest pêkerdişê prosesê pêameyîşî ameyo. Wezîranê Karanê Teberî yê Rûsya û yê Amerîka îzah kerd ke, mabênê her di welatan de demêko newe dest pêkerdo û lazim o her di welatî seba selametê dinya mîyanê xo de pê bikerê…
Lavrovî îzah kerd ke, mabênê Amerîka û Rûsya de zaf problemî estê ke gere bêrê safîkerdene û hêvî keno ke bi rayê dîyalogî nê problemî do bêrê safîkerdene.Lavrovî qisêkerdişê xo de eleqa ant xebata ke seba qedênayîşê terorî bena û krîzê sîyasî û eskerî yê dinya ser o û waşt wa nika ra tepîya meseleyî bi stratejî û bi pêameyîş bêrê safîkerdene.
Wezîrê Karanê Teberî yê Amerîka Mike Pompeoyî zî qisêkerdişê xo de va “Eke mabênê Rûsya û Amerîka de ortaxî û pêameyîş bibo no seba pêruna dinya beno çîyêko weş o.