Merkezê Xeberan - Bakûrê Kurdistanî de wextê kengeran dest pêkerd. Bi ameyîşê wisarî her hetê Bakûrê Kurdistanî de wextê kengeran o. Kengerê Kurdistanî hetê cinîyan ra yenê arêdayene.
Qezaya Agirî Patnos dewa Qizqapanî de cinî koyan ra kengeran arêdanê. Kenger hem semedê werdişî hem zî semedê tirşî arêdîyeno.
Wexto ke dinya bîy germ û koyan de vewre helîya, şarê Bakûrê Kurdistanî zî dest pê arêdayîşê kengeran kerd. Kengero ke yeno arêdayîş hetêk ra zî yeno rotiş.
Rewşan Karataş eke şefeqê sibayî de şina kengeran arê dana vana ke, merdim eşkeno tena pê arêdayîşê kengeran debara keyeyê xo biko.
“Wexto ke wisar yeno ma dest bi arêdayîşê kengeran kenê. Tehmê kengeran zaf weş o. Ma pê tirşî zî nanê ro. Ma tîya ra gelek tewir pancaran arê danê û zimistan wenê. Arêdayîşê kengeran zehmet o la tehmê ci weş o.."
Çime/MA