Merkezê Xeberan
Qezaya Licê ya Amedî de bi ameyîşê menganê payîzî mehsaran dest pêkerd. Hemwelatijî semedê menganê zimastanî engur ra aqît û bastêq virazenê.
Dewa Huseynîkî ya qezaya Licê ya Amedî û dewanê dormeyan de wextê mehseran o. Hemwelatijî semedê menganê zimastanî engur ra aqît û bastêq virazenê. Sey heme gureyanê bînan mehseran de zî baro giran milê cinîyan de yo.
Hemwelatijî saetanê rewî yê serê sibayî de dest bi arêdayîşê engure kenê. Bado zî engure enciqnenê awa ci vejenê û kenî lênan bi saetan gîrnenê û aqît virazenê.
Hemwelatijê ke bastêq virazenî dimayê gîrnayîşê şira ardî kenî mîyanê ci û heta ke bibo hest gîrnenê û bado zî serê çerşefan rafînenê. Dimayo ke bastêq verê tîjê de wuşk beno bi hîkerdişê çerşefan yeno arêdayene û reyna yeno wuşkerdene û semedê menganê zimistanî yeno wedartene. Hemwelatijê ke mehseran de xebityenê ard ziwan ke emser mehsulê înan hol nêyo û serranê peyênan de baxê înan qoqê ci ra wuşk benê.