Wekîlekê mîrê kurdanê êzîdîyan aşkere kerd ke, kurdên êzîdî do emser rîyê Korona ra roşanê Rojeyê Êzî pîroz nêkerê.

Wekîlê mîrê êzîdiyan Mîr Cewher Elî Begî va, rîyê tehlûkeyê Korona ra, mîrê êzîdîyan qerar day ke emser do roşanê Rojeyê Êzî nêro bimbarek kerdene.

Mîr Cewherî va, key ke nêweşîya Korona qedîya ma do o wext roşanê xo bimbarek bike. Xora wexto ke kêna û xortê ma destê DAIŞî ra yene xelinayîş ma do zaf keyfweş bibe.

Gorê îbadetê êzîdîtî, kurdê êzîdî do siba dest bi girewtişê rojeyî bikê û roja îne zî roşan bikerî. Rojeyê Êzî hîrê roj o.