Karîkaturîst Îmam Cicî wazeno estanikanê bi kurdkî biweşano û seba kovarêka perwerdekare bixebito. Seba naye Cicîyî seba hetkarîya kampanyaya xo înternet de projeyê xo da destpêkerdene.
Hunermend û karîkaturîst Îmam Cicîyî derheqê projeyê xo yê kovara xêzeromanî ya seba domanan GOGî de qisey kerd. Îmam Cicîyî îfade kerd ke no proje seke xeyalê ci yê domanîye yo.
Karîkaturîst Îmam Cicî wazeno estanikanê bi kurdkî biweşano û seba kovarêka perwerdekare bixebito. Seba naye Cicîyî seba hetkarîya kampanyaya xo înternet de projeyê xo da destpêkerdene.
Îmam Cicîyî vat: ''Nika îmkanê mi çin ê ke ez kovare çap bikera. Coka ez GOG înternetî ra biresna destê wendekaran.''
Nameyê kovare zî kayê 'gogî' ra yeno. Kovare her menge do bivejîya. Kovare de Red Kit, Yakari, Thorgal û Milo û xebata xêze yê hunermendanê kurdan ê sey Dogan Guzel û Ender Ozkahraman zî cabigêrê.
Îmam Cicîyî da zanayene ke karîkaturîsto namdar Asaf Hanuka zî do paştî bido projeyê ci û vat: ''Hanukayî vat pîrikê ci Kurdîstanî ra yo û seba naye zî wazeno paştî bido kovare. Coka seba hûmara yewîne rîpelêk xêza xo erşawite.''
Seba ke proje pratîk de bêro caardene kovare hewceyê hetkarîya madî ya. Coka serê platformê "fongogo.com" de kampanyayêke dîyaye destpêkerdene. Îmam Cicî pabeyê hetkarîye yo.