Na hûmare de nuşteyê Dr. Karlênê Çaçanî yê averşîyayîşê kulturê Kurdkî de bandorê roşnvîranê Ermenîyan ca geno. No nuşte 1999î de bi Ermenîkî weşanîyayo û nika hetê Mustafa Kiliçaslanî ra açarîyayo Kurmanckî ser.
Murad Celaliyî nuşteyê xo de behsê gêrayîşê Elî Begî kerdo. Elî Beg 1885î de xeylê bajaranê Kurdistanî ra gêrayo. Ferat Dilgeşî nuşteyê xo yê ‘Bavo Çûyê Dignûgê’yî de behsê keyeyê xo, vîrardedeyanê xo û sêwirmendişê xo û birayê xo keno. Yunis Amediyî nuşteyê xo yê ‘Ji Gencîneya Kurdî Çendîn Bêje’yî de hetê Erxenîyî ra çend vateyê herêmîyî arê dayê. Îbrahîm Seydo Aydoganî nuşteyê xo de, derheqê nuşteyanê tarîxî, ziwan, rexne, ceribnayîş û edebîyatê klasîkî yê kovara Hawarî ser o vinderto. Na hûmare de di roportajî estê. Roportajo yewin hetê Abdûllah Încekanî ra Rojan Barnasî rey de ameyokerdiş. Roportajî de behsê şaîîra Barnasî bena. Rojen Barnas 60 serran ra nat edebîyatî de eleqadar o.
Çend fotografê neweyî yê şaîrî zî kovare de ca genê. Roportajo peyên hetê Dr. Omer Ûlûçayî ra nuştox Receb Dildarî rey de ameyo kerdene. Reyna xeylê şîîr û nuşteyê bînî na hûmare de ca girewtê.