Kooperatîfê Cinîyan ê Pulurî de kargehê tekstîlî dewam keno. Cinîyî kooperatîf de hem debarê xo kenê hem zî xo aver benê.
Kooperatîfê Cinîyan ê Pulurî yê Dêrsimî de kargehê tekstîlî dewam keno. Cinîyî kooperatîf de hem debarê xo kenê hem zî xo aver benê. Kargeh de kincê tradîsyonelî yê Dêrsimî û kincê modernî yenê deştene. Nika zî kargeh de kincê hamnanî yenê deştene.
Şehrîbane Erola ke kooperatîf de ca gêna vat: ''Ma mengêke û nême ra nata kincan derzenê. Verî zî ma çanteyî deştêne. Eke tewr tay 10 cinîyî nê kooperatîfî de debarê xo bikerê o çax beno rind. Înşalah ma resenê a aste.''