Konvoyêka eskerî ya Amerîka vizîr hela şanî Herêma Kurdistanî ra vîyart Rojavayê Kurdistanî. Mîyanê konvoya eskerî de 100 otomobîlê bargiranî estbî.
Mîyanê konvoya eskerî ya Amerîka de malzemeyê lojestîkî û leşkerî, tank û wesayîtê zirxî estbî.
Qismêkê na konvoya Amerîka ver bi qezaya Qesrok a nêzdîyê Temir şîy, la qismêko bîn ver bi Dêre Zor û Şedad şîy.
Amerîka nê rojanê peyînan de dorûverê bîranê petrolî ê Rojavayê Kurdistanê û Dêre Zore de hêzanê xwû zêde kena.