Hukmatê Tirkîya eskeranê xo û topxaneyanê xo neqlê sînorê Rojavayê Kurdistanî keno. Ewro zî konvoyêka eskerî ya Tirkîya neqlê sînorê Girêspî û Kobanê bîy.
Xeylê cepxaneyê eskerî û eskerê Tirkîya êyê ke cîya-cîya wîlayetan ra amê pêser neqlê qezaya Hatayî Kirikxan bîy. Goro ke vajîya konvoya eskerî ke tede wesayîtê zirxî, topxane û xeylê malzemeyê eskerî estbîy resa sînorê Rojavayê Kurdsitanî.
Dewleta Tirkîya sînorê Girêspî, Kobanê û Serêkanî de hêzê xo yê eskerî kom kena. Serekomarê Tirkiya Receb Tayîb Erdoganî zî yew qiseykerdişê xo de vatbi, seba Minbic û Girêspî planêka înan esta. Vizêr zî îdîa bibi ke, Tirkiya dîwarê sînorê Girêspî wedarita û kena ke operasyonêka eskerî bika.