Konserê Mem Araratî yê Bursayî bi mehneyê ewlehîya Şarî ameyo qedexekerdiş.
Muzîsyeno Kurd Mem Ararat do 29ê Gulane de Bursayî de konserêk biviraştêne. Konser hetê Walîtîya Bursa ra ameyo qedexekerdiş. Organîzatorê Konserî Zîz Muzîkî derheqê qedexeyî de malûmatêk weşana û va, “Astengîyê hunerî bê mabên dewam kenê. Konserê Mem Araratî yo ke ma do Bursayî de biviraştêne, bi mehneyê ewlehîya şarî ame qedexekerdiş. Konseri rê 3 rojî mendibî û bîletî ameybî rotiş. Muzîk samîmîyetî û paştîdayîşî zêdneno. Ma qedexeyanê konseran ver raşta zî zaf xemgîn ê. Nê qerarî komele dejnenê. Ma do timûtim deyîranê xo vajê û huner û muzîkî pîya pîl bikerê.”