Endamê Kongreya Amerîka wazenê wa Amerîka Sûrîye de Kurdan tena nêverdo û desteg bido Kurdanê Sûrîye.
400 heb endamê Kongreya Amerîka mektubêk erşawit Serekê Amerîka û mektubê xo de behsê krîzê Sûrîye û polîtîkayê Amerîka ê Sûrîye kerd. Endamê Kongreya Amerîka, Donald Trumpî ra wazenê wa Amerîka Sûrîye ra eskeranê xo peyser nêanco û desteg bido Kurdanê Sûrîye.
Na xebere Ajansê Reutersî de vajîya û xebere de vajîyeno ke, endamanê Kongre waştê wa ortaxê Amerîka ê ke Sûrîye de yê gere tena nêrê verdayîş û gere Amerîka destê xo ortaxanê xo ê Sûrîye ra nêanco.
Seke zanîyeno Amerîka çend aşmîyo ke qerar daya ke eskeranê xo Sûrîye ra peyser bianco. La semedê tehdîdanê Tirkîya, Rejîmê Sûrîye û Îranî amerîka hema eskerê xo Sûrîye ra peyser nêantê. Û endamê Konreya Amerîka Serek Donald Trumpî ra wazenê wa Amerîka desteg bido ortaxanê xo ê Sûrîye û înan tena nêverdo.
Zanîyeno ke Amerîka Sûrîye de Hêzê Sûrîyeya Demokratîk (HSD) dir pîya xebate kena û bi na ortaxîye Sûrîye de terorîstê DAIŞî amê qedênayîş.