Komxebeta Huqûqî ya Diyîne ya ke derheqê sûcanê merdimîye yê Efrînî de ameyêne kerdene qedîya
Rayberîya Rêxistina Cigêrayîş û Heqanê Cinîyan a Sûrîye, Rêxistina Înîsîyatîfê Huqûqî, Merkezê Rojawanî yê Cigêrayîşan ê Stratejîkan, Rêxistina Heqanê Merdiman a Efrîn-Sûrîye û Rêxistina Heqanê Merdiman a Cizîre de şaristanê Qamişloyî yê Rojawanî de derheqê sûcanê dewleta tirke yê vera Efrînî de Komxebata Huqûqî ya Diyîne ameye serûberkerdene.
Endama Komîteya Amadekarîye Heyhane Elî netîcenameyê komxebate wend.
Netîcename wina yo:
''Komxebata diyîne 30ê çeleyê 2020î de Qamişlo de bi beşdarîya 150 kesan ameye kerdene. Bir û pêşnîyazê komxebate nê yê:
-Îşxalê Sûrîye yê dewleta tirke sûcê merdimîye yo û Tirkîya endama Neteweyanê Yewbîyayeyan (NY) a. Kerdişê dewleta tirke dûştê qanûnanê NYyî yê.
-Ganî hemwelatîyê ke pê zorê dewleta tirke koç kerd ganî seba agêrayîşê nînan xebatî bêrê kerdene.
-Sûcê dewleta tirke yê vera cinîyanê Efrînî sûcê qirkerdişê komkî yê û ganî nê sûcî bêrê eşkerakerdene.
-Ganî NY komîteya cigêrayîşî bierşawo Efrîn û sûcanê dewleta tirke ser o cigêrayîşan bikero.
-Ganî vurnayîşê demografî û qirkerdişo etnîk goreyê huqûqê Roma yê 1998î bêrê ercnayene û mehkemeya sûcan ê mîyanneteweyîyan de bêrê hukmkerdene.
-Ganî akademîsyen, zanyar, cigêrayox û çalakîkeran reyde têkilîye bêra ronayene, derheqê sûcanê merdimîye yê Efrînî de dosyayî bêrê amadekerdene û nê dosyayî pêşkêşê mehkemeyanê Ewropa bêrê kerdene.
-Ganî komîteyêka herêmî û mîyanneteweyî ya seba teqîbê bir û perspektîfanê komxebate bêra awankerdene û komxebatê neweyî bêrê kerdene.