Li gundên Enqelê û Sinarê li Hermêa Efrînê ya Rojavayê Kurdistanê, komên çekdar ên girêdayî Tirkiyê, dest danîn ser 3500 darên zeytûnan.
Li gorî zanyariyan, li her du gundên Enqelê û Sinarê yên ser bi nahiyeya Şiyê, ku derdora 500 malbat li wir hene, komên çekdar ên girêdayî Tirkiyê ve, mal, milk û ajelên welatiyan talan kirine û bac jî li ser wan sepandine.
Ji tevaya nişteciyên wan her du gundan ku derdora 2 hezar kesên Kurd bûn, tenê 750 kes ji wan mane, û komên çekdar 1150 Erebên hawirdekirî li wê derê bicih kirin.
Herwiha, koma bi navê “Lîwaya Weqqas” dest daniye ser her du gundan û ziyanên mezin digihînin welatiyên resen û mal û milkên wan.
Çavkaniyên xwecihî diyar kirin, çekdarên koma Semerqend yên girêdayî Tirkiyê, li gundê Kifir Sifre li nahiyeya Cindirêsê, dest danîne ser 3.500 darên zeytûnan yê xelkê wî gundî.