Navenda Medyayî ya Efrînê belav kir, grûpa Emşat bi serkirdayetiya Ebû Emşe, xortên navçeyên Mabeta û Şiyê yên ku leşkeriya neçar kirine kom kirin û li her yekî ji wan baca 4 hezar dolar sepandin, heger nedin jî dê wan bixin zindanê.
Wê navendê diyar kiriye jî, ew xortên ku leşkeriya naçar kirine berê bêhtirî carekê hatine girtin û lêkolîn bi wan re hetine kirin û heta niha çarenivîsa zêdetir ji 300 xortên Efrînê yên leşkeriya neçar kirine û xwe radestî Tirkiyê kirine ne diyar e.
Li gor çalakvanên Efrînê, grûpa Ebû Emşe gelek tawanan bi mafê xelkê Efrînê kirine û wê grûpê jî di 11 Hezîrana 2018an de Cîgirê Serokê Encûmena Sivîl a navçeya Şiyê di eşkenceyê de kuştibû.
Ji destpêka dagirkirina Efrînê ji aliyê Tirkiyê û grûpên çekdar ên alîgirên wê ve, bi hezaran xort û keçên Kurdan bi bihaneyên cuda tên girtin û eşkencekirin, ew jî tenê ji bo standina pereyan ji malbatên wan.
(k24)