Merkkezê Xeberan- Ewro (15.10.2019) komeleya Farqînijan Teşkîlatê PAKî yê Dîyarbekirî zîyaret kerd.
Heyeta Komeleya Farqînijan ke mîyan de serekê komele Mehmed Çelîker û endamê komele Omer Bîçîmlî, Şex Misbah û Şakîr Budak estbî PAK ziyaret kerd. Hetkarê serekê PAKî Feyyaz Ekmen û rauverê PAKî Mustafa Kalhan, Mehmed Alî Yilmaz û Mehmet Dortyama şîy heyeta Komela Farqînijan vera.
Ziyaret de nuştox û tarîxnas Kerem Serhedî zî ca girewt. Komele Kerem Serhedî rê silametî waşt.
Zîyaretî de rewşa Rojavayê Kurdistanî ser o qisey bi. Hetkarê Serekê PAKî Feyyaz Ekmenî va “Adirêk kewto keyeyê ma. Hewnakerdişê nê adirî bi yewîya Kurdan mumkun o. mas ey goşt û nenûg ê. La mezgê ma, zerrîya ma Rojavayê Kurdistanî de ya. Gere Hêrişê Tirkîya bêrê vindarnayîş.”
Sohbet, bîyayîşanê rojane ser o bi kefweşî dewam kerd. Komele rayveranê PAKî rê sipas kerd.