Komela Kurdanê Schweinfurtî bi yew beyanat semedê hetkarîya Rojavayê Kurdistanî veng da ke wa yewîya Kurdan her hetê Kurdistanî bêra ca û Kurdî yewbînan rê ardim bikerê.
Beyanatê Komela Kurdanê Schweinfurtî (Kurdische Geminde Schweinfurt.e.V) wînî yo:
Vengdayîşê ma heme Kurdistanîyanê dinya rê yo, hetkarîya ewroyî erey mendişê sibayî ra başêr o.
Roj roja yewitîya neteweyî ya, coka ma veng danê û vanê, encax ma pîya eşkenê aver şêrê.
Ma bêveng û erey nêmane!
Hêzbîyayîş û yewitîya Rojavayê Kurdistanî do bibo hêvîya şarê Kurdanê dinya.
Mas ey Komela Kurdanê Schweinfurtî, newe ra venga Kurdistanîyabê dinya danê ke, bêrê ma destanê yewbînan bigîrê.
Seba dermankerdişê şarê ma, seba ke ma dej û derdê şarê ma yê Rojavayê Kurdistanî kêm bike, ma vanê, hetkarîya ewroyî her wextî ra lazim û muhîm a.
Bênê ma hetkarîya maddî, dîplomasî û siyasî bide Rojavayê Kurdistanî û erey nêmane.
Ma sey Komela Kurdanê Schweinfurtî, 19 keyeyanê Rojavayê Kurdistanî rê ardim erşawit û resna destanê înan. Seba ke ma hîna zêde hetkarî bide înan xebatê ma dewam kene.
Vendayîşê ma heme komele, şexsîyetê Kurd û Kurdistanîyê dinya rê yo, lazimtîya Rojavayê Kurdistanî bi ardimê şima esto. Bênê ma pîya her het ra hetê înan bike.
Kurdische Geminde Schweinfurt.e.V