Semedê 5 kolberê ke sînorê Îranî ser de binê vewresî de mendê, vizêr xebata keşfî ame kerdene, la nêame zanayîş ke do seba gêrayîşê înan çi wext dest pêbiko.
Kolberê bi namê Molaî Hudaî, Firat Hudaî, Bîlen Ehmedî, Yaver Eslanî û Metîn Eslanî êyê ke 18’ê çeleyî de binê vewresî de mendê, hema zî nêameyê vînayîş.
Muxdarê dewa Xaşkanî Ayhan Korkmaz beyan kerd ke bi firokanê bêmerdimî (ÎHA) keşf ameyo kerdene. Korkmazî da zanayîş ke, eke şertê hewayî bibo hewl do xebatê cigêrayîşî bêrê dest pêkerdene.