Sererra 14ine de Awrûpa, Asya û Afrîkaye de bi mîlyonî însanî nêwaşîya webayî ver merdê. Cigêrayoxan kokê na nêweşîye tespît kerdo.
Heta nika nêamenêne zanitene ke weba senî peyda bîyo û ça ra vila bîyo. Bi xebata Zaningehê Stirling û Zaningehê Tubingenî, cewabê nê persan ameyê dîyayene. Goreyê malûmatanê xebate, weba serranê 1330an de Kirgizîstan de peyda bîyo. Golêka Kirgizîstanî ra dindanî ameyê girewtene û nînan ser o analîzî ameyê kerdene. Dindananê hewt cendekan ra nimûneyî gêrîyayê û bi netîceyê analîzan kokê nêweşîya webabî ameyo tespîtkerdiş.