Qezaya Pulurî ya Dêrsimî her serre 50 keyeyanê koçeran û nizdîyê 23 hezar heywanan rê meymandarîye kena. Her serre Çemîşgezek, Mazgêrd, Pîlemurîye, Xozatê Dêrsimî û Sêwregi ya Riha ra koçerî yenî Pulur û heywananê xo çerênenî.
Qezaya Pulurî ya Dêrsimî her serre 50 keyeyanê koçeran û nizdîyê 23 hezar heywanan rê meymandarîye kena. Hamnanan seba ke heywananê xo biçerênî, Çemîşgezek, Mazgêrd, Pîlemurîye, Xozatê Dêrsimî û Sêwregi ya Riha ra koçerî yenî Pulur û tîya de heywananê xo miqate kenî.
Koçerî tîya de bi estoran ciresnayîşê xo kenî û seba ke xo heşe, verge û sewbîna heywanan ra bipawî, kutikanê kangalan reyde nobete tepişenî. Koçeran ra Îbrahîm Koseyî dîyar kerd ke ê her serre yenî tîya û nizdîyê 3 aşmî tîya de manenî. Koseyî dîyar kerd ke tebîetê Pulurî zaf weş o.
Şenay Kose zî daye zanayene ke zozanî zaf benî serdin û wina dewam kerde: “Ma her roje rew hişyar benî û karê xo yê çadire temam kenî. Ma her roje 2 reyî mêşnayan doşenî û şitî reyde penîr virazenî. Heşe, verge û sewbîna heywanî yenî. Tîya de kutikî estî. Wexto ke kutikî lawenî, ma cade werizîyenî û heywananê xo pawenî.”