Merkezê Xeberan- Temsîlkarê Partîya Yewitîya Demokrata Kurdistanî ke mîyanê Encûmena Niştimaniya Kurd ya Sûriye (ENKS) de ca gêno, Zerdeşt Gabarî da zanayîş ke endamê partîya înan Ismaîl Mistefa Kobanî de amo tepiştene.
Gabarî îeh kerd ke, roja îne saete 10 de, weto ke Ismaîl Mistefayo ke sey bawê Şîraz yeno şinasnayîş, dewa xo Şikeft ra şîyêne bajarê Kobanî, otomobîlêka sîya vernîya ey girewta û çekdarê ke mîyanê otomobîle de bîydest ronay ey ser û nika aqûbetê ey nêno zanayîş.
Gabarî dezgeyê asayîşî yê Îdareyê Xoserî bi tepişyayîşê Ismaîl Mistefa sûcdar kerd û va, Asayişê PYD o tepişto.