Merkezê Xeberan- Verfekê Koalîsyonê Mîyannetewî Albay Myles B. Cagginsî aşkere kerd ke, înan emser perwerdeyê eskerî dayo 10 hezar Pêşmergeyan.
Verfekê Koalîsyonê Mîyannetewî Albay Myles B. Cagginsî wina va: Ma emser xebatêka weşe kerde. Ma perwerdeyê eskerî da 10 hezar pêşmergeyan. Pêşmergeyan mîyanê nê hewteyî de 10 DAIŞijî tepiştî. No zî nîşanê ma dano ke DAIŞijî hema zî aktif ê. Ma zanê ke DAIŞijî çend mintiqayana de hema zî aktif ê. Ma wazenê ke Pêşmergeyî û Hêzê Asayîşî yê Iraqî pîya xebate bikê û vernîya aktîfbîyayîşê DAIŞî bigîrê.
Cagginsî Roşanê Noelî yê şarê Kurdistanî zî bimbarek kerd û va: Ma mêmanê şima yê û ma wazenê bibê mêmanê başî. Ma Kurdistan de prosesêko weş vîyarna.