Krîzê ekonomîyî ver Kitabxaneyê Medyayî yê 25 serrî kewto tenganîye.
Krîzê ekonomîyî tesîrê xo her warê cuye ser de kerdo. Nê wareyan ra yew zî warê weşangerîye yo. Raşta zî kaxit zaf bîyo vay û kitabê Kurdkî zî kêmî yenê wendiş. Coka kitabxaneyî hinî nêşkenê kiraya xo zî bidê. Kitabxaneyê Medyayî 26 serran ra nat Îstanbûl de payan ser a mendo la nika çi heyf ke kewto tenganîye. Kitabxane Îstîklal de Pasajê Elhamrayî de yo.
“Ganî Kurdî wayîrê kitabxaneyan bivejîyê”
Wayîrê Kitabxaneyê Medyayî Selahattîn Bulut vano, “Wayîrê dikanî gêra va ez kiraya xo wazena. Ez ewnîyaya ez nêşkena kira bidî û ez zaf xemgîn bîya. Ez kesî ra pere nêwazena. La zengînê ma paştî bidê ma û kiraya ma bidê hîna baş beno. Eke nêbo çi heyf ke beno ke ma kitabxaneyî padê.” Badê na xebere Kurdî hîna zêde wayîrê kitabxaneyî vejîyayê. Wendoxî vanê ganî ma pêropîya paştî bidê kitabxaneyî. Raşta zî Kitabxaneyê Medyayî seba wendoxanê Kurdan cayêko zaf muhîm o.
NÛPEL