Li bajarokê Serpêla Zehaw yê Rojhilatê Kurdistanê kolberekî kurd di êrişa pasdarên Îranê de hat kuştin.
Malpera mafên mirov ya Hengaw ragihandiye, roja 26 vê mehê li devera Teng Hema ya bajarokê Serpêla Zehaw li parêzgeha Kirmaşan, komek kolber rastî êrişa pasdarên Îranê hatin.
Li gorî agahiyan, di wê êrişê de kolberekî kurd bi navê Qubad Rehmanî (28 salî) û xelkê gundê Remk yê Kirmaşanê hat kuştin.
Li gorî amarên Hengaw, di heyama meha borî de herî kêm 24 kolberên kurd di êrişa pasdarên Îranê de hatine kuştin û birîndar bûne.