Xoverdayîşê keyeyê Şenyaşarî verê Edlîyeya Riha de aşma Remezanî de zî dewam keno. Keye fitarê xo nobeta edeletî de akerd. Keyeyî seba paştdayîşî veng da.
Emîne Şenyaşara ke mêrde û lajê ci hetê pawitox û merdimanê Wekîlê AKPyî Halîl Îbrahîm Yildizî ra kişîyayî verê Edlîyeya Riha de lajê xo Ferît Şenyaşarî reyde roja 36. de nobeta xo ya edaletî rê dewam kena.
Keyeyî qerar da ke aşma Remezanî de zî nobeta xo bidomnê .
Ferît Şenyaşarî vat: ''Eke muhakemekerdişêko edîl bibîyêne birayê mi biameyêne veradayene. Cezaya girane dîyaya birayê mi û o hucreyê yewkesî de tepişîyeno. Ma do tîya de fitarê xo bikerê. Heta ke ê 23 kesî nêrê tepiştene ma tîya ra nêşinê. Nê kesî nika dezgehanê dewlete de xebitîyenê. Birayê mi kesêk nêkişto. Raporanê pisporan no îsbat kerd.''
Keyeyî venga her kesî da ke wa paştî bido înan.