Nobeta Edaletî ya keyeyê Şenyaşarî 402 rojî yo dewam keno.
Emîne Şenyaşara ke mêrde û di lajê ci hetê merdimanê Wekîlê AKPyî Îbrahîm Halîl Yildizî ra ameybî kiştene, lajê xo Ferît Şenyaşarî reyde 402 rojî yo verê Edlîyeya Riha de nobeta edaletî gêna.
Keyeyê Şenyaşarî na pankarte akerde: 'Di ewladê mi û mêrdeyê mi nêweşxane de ameyî qetilkerdene! Çew nêame tepiştene! Bi fermanê serweran lajê mi 4 serrî yo hucreyê yewkesî de tepişîyeno. Ez wazena lajê mi cade vera bidîyo. Keyeyê Şenyaşarî rê edalet, her kesî rê edalet.'
Hesabê medyaya dîjîtale de Şenyaşara Erdogan û Walîyê Riha Abdullah Erîn etîket kerdî û no mesaj pare kerd: ''Êyê ke 400 rojî yo dadîya 65 serre verê edlîye de ronişnenê, gelo misilman ê? Gelo ê roje gênê? Dadîyê înan est ê? Ê qala zulmê xo, domananê xo rê kenê?''