13 esker û polîsê Tirkîya serra 2015î ra nata destê PKK de êsîr ê. Keyeyanê eskeranê êsîran Anqara de Komela Heqanê Merdiman İHD rê muracat kerd ke wa sba gedeyanê înan çîyêk bêro kerdiş.
13 esker û polîsê Tirkîya serra 2015î ra nata destê PKK de êsîr ê. Keyeyanê eskeranê êsîran Anqara de Komela Heqanê Merdiman İHD rê muracat kerd ke wa sba gedeyanê înan çîyêk bêro kerdiş.
Serekê İHD Ozturk Turkdogan keyeyan dir pîya vejîya kamerayan ver û va: Na mesela xemê dewlete û îqtidarê AKP de nîya.
Ozturk Turkdoganî venga PKK zî da û va: Ma huquqê merdimatî vistenê PKK vîr û ma vanê ê polîs û eskerê ke destê şima de yê serbest verabidêne.
Keye û dayîkê zerrîvêşayî ke na 4 serra ke gedeyê xo nêdîyê û înan ra nêeşkenê xeberêk bigîrê PKK û AKP ra wazenê wa pê bikê û gedeyê înan bêrê veradayîş.
Dayîkê eskeran zî wazenê wa PKK gamêk bierzo û tutanê înan verabido.
Dayîkê ekser û polîsan dima ra îdarekarê İHD dir pîya şîy parlamentoyê Tirkîya û Serekwekîlê Koma AKP, CHP û HDP dir pêvînayîş kerd.
Heyete waşt wa parlemento na mesela de bikewo dewre.
Keyeyanê ekser û polîsan Wezîrê Karanê Zereyî Suleyman soylu ra zî randewû waşt la Soyluyî randewu nêda înan û înan dir qisê nêkerd.