Merkezê Xeberab - Goreyê çimeyanê herêmîyan koçberê Rohîngayî ver bi Malezya kewtî rayîr. Keştîye de ke zafê înan cinî û domanî tewr tay 13 kesî bîyî. Keştîya koçberan Bengal de cum bîye.
Goreyê yewînanê asayîşê qeraxî yê Bagladeşî rewşa nikayêne de hema hema 70 koçberî xelisîyayî. Tewr tay 15 cenazayî ameyî vetene, bi desan kesî zî vînbîyaye yê. Xebatê cigêrayîş û xelisnayîşî dewam kenê. Ame parekerdene ke keştîye qasê 13 metreyan derg bîye û şewa yewşemeyî şaristanê Cox's Bazarî ra vejîyaye ver bi rojhelatê Bangladeşî şîyêne. Herême de kampan de nêzdîyê 1 mîlyonanan koçberî ciwîyenê. Goreyê qanûnanê fermîyan qedexe yo ke hemwelatîyî kampe ra vejîyê. Goreyê zanayîşanê selahîyetdaran bazirganî koçberan ancenê.