Şewa bîne bajarê Kurdistanî Kerkuk de têdima 6 heb teqayîşî qewimîyay.
Şewa bîne bajarê Kurdistanî Kerkuk de têdima 6 heb teqayîşî qewimîyay. Netîceyê teqayîşan de 6 kesî merdî 18 kesî zî birîndar bîyî.
Teqayîşî pêro sukanê Kerkukî de amê meydan. Mehleya Quds û Rayê Bexdadî ser o zî çend teqayîşî amê meydan. Qaso ke ame zanayîş bombeyê ke verê cû ameybî ronayîş yew hewe de amê teqnayîş.
Mîyanê merdeyan de tuxgeneralê Artêşa Irqaqî zî esto. Merde û birîndarî pê ambulansan wedarîyay nêweşxaneyê Kerkukî. Hêzê asayîşî û ambulansî zî amê cayê hedîse.
Fermandarê Operasyonananê Kerkukî Korgeneral Saad Harbîyeyî derheqê teqayîşan de beyanat da û va: Ma texmîn kenê ke nê hêrîşî hetê terorîstanê DAIŞî ra amê kerdene. Ma çend rojîyo ke başurê Kerkukî de operasyon daya dest pêkerdiş. Terorîstê DAIŞî heyfê xo sîvîlan ra gênê.