Qezaya Kerkukî Daqûq de seba ke namê tabelaya yew partîya Kurde de ‘Kurdistan’ vîyartêne, a tabela amey wedaritiş.
Qezaya Kerkukî Daqûq de Hêzê Asayîşî yê Iraqî eşt şûbeyê Partîya Komînîst a Kurdistanî (Şui) ser û seba ke tabelaya partî de namê ‘Kurdistan’ vîyartêne tabela ard war.
Îdarekaranê Partîya Komînîst a Kurdistanî ra Şêx Sidîqî derheqê hedîse de va: Wexto ke dest ronîya Kerkukî ser o ma şubeye partîya xo qefilnabi. Ma 20ê na aşme de Şubeyê Partîya Komînîst a Kurdistanî newe ra akerd û tabelaya xo aliqna. La seba ke tabela de Kurdistan amebi nuştiş, tabela amey wedartiş.
Şêx Sidîqî îzeh kerd ke şewa bîne Hêzê Asayîşî yê Iraqî û mîlîsê Haşdi Şabî amê bînaya partîya înan û waşt wa tabelaya xo bîyarê war û wina va “ Bi sebeb zî qey kelîmeya Kurdistan ameya nuştiş nişan dîya ma. Înan ma ra va ‘Kelîmeya Kurdistan qedexe ya’. Ma zî mecbur mende ke tabelaya xo bîyare war”