Piştî biryar hatibû dayîn ku zimanî kurdî di ezmûnên dawiya salê li sînorê rêveberiya perwerdeya Kerkûkê bê rakirin, şandeyekî perwerdeya herêma Kurdistanê li gel wezîrê perwerdê yê Iraqê civiya û li ser hilweşandina biryarê rêkeftin.
Endama şandeya perwerdeya herêma Kurdistanê Perwîn Fatîh îro 01.02.2021ê ji BasNewsê re ragehand: ‘’Derbarê rakirina waneyên kurdî di ezmûnên qonaxa şeşem a seretayî û 3yê navendî û 6ê amadeyî de li Kerkûkê wek şandeyekî wezareta perwerdeya hikûmeta herêma Kurdistanê me li gel wezîrê perwerdeya Iraqê hevdîtin pêkanî û li ser hilweşandina wê biryara rakirina zimanê kurdî em rêkeftin.’’
Herwaha amaje bi wê yekê jî kir ku tenê yek rêkarekî koordînê bo hilweşandina temamî ya biryarê maye.