Qeyyûmê Beledîyeya Dîyarbekirî warê sosyali rantî rê akerd û cayê zergûnî zî dayê eskerîya.
Qeyyûmê Beledîyeya Dîyarbekirî Munîr Karaloglûyî wezîfeyê xo ra ame girewtiş. La verê şîyayîşê xo warê sosyali rantî rê akerd û cayê zergûnî zî dewrê eskerîya kerdê. Xora roja ke sey qeyyûmî amebi tayînkerdişî ra nat karê zaf xirabî kerdê û pereyê şarî bîlasebeb xerc kerdê.
Cayê zergûnî dewrê eskerîya bîyê
Mehlaya Pasûrî ya Yeşîlkoyî de cayêko zergûn dewrê eskerîya bi. No qerar xoser ame gêrayene û herinda nê cayî de cayêko bîn zî nêame dîyarkerdene. 2 parselê hîrayî dewrê eskerîya Licêyî bîyê. Beledîya derheqê nê qerarî de malûmatêk weşana û va no qerar seba ewlwhîye ameyo girewtene. Goreyê malûmatan xeylê bajaranê Kurdan de cayê zergûnî dewrê eskerîya benê.
Rantî rê abîyê
Qeyyûm verê şîyayîşê xo, Baxlar de 3 parselî seba rantî akerdê. Nameyê 3 parselan ame bedilnayene û seba rantî ameyê hedrekerdiş. Roja ke qeyyûm ameyo beledîyeya Dîyarbekirî ser ra heta ewro, butçeya beledîya seba keyfê paştîdayoxan yena şuxilnayene. Qeyyûmî bi pereyanê şarî heykelê bêricilî viraştê û kulturê şarî tehrîf kerd. Xebatê ke bi destê înan yenê kerdene, raşta zî aîdê şarî nîyê û ê wazenê erjanê Kurdan ser o kay bikerê.
MA /