Merkezê Xeberan - Sîyasetmedaro kurd Mahmut Akinakî mehkema de bi şertê cezaya 'hepsê keyeyî' ame veradayîş. Nika zî kelemçeyo elektronîk dîya linga Alinakî ro.
Sîyasetmedaro kurd Mahmut Alinak o ke pê cezaya muedebe amêne hukmkerdene, roniştişê xo yê verênî de ci rê cezaya 'hepsê keyeyî' amey dayîş. Nika zî kelemçe dîya linga Alinakî ro. Karmendê Edlîyeyê Qersî ewilî keyeyê Alinakî peymit, kelemçe da linga Alinakî ro.
Alinakî derheqê babete de wina vat: ''Sey koleyan kelemçe dîya linganê ma ro. Ma koleyê modernî yê nê welatî yê. Mi asayîş û edlîye de nêverda ke mi kelemçe bikerê. Nika heyfê xo gênê. Ez nika keyeyê xo ra nêeşkena bivejî teber. Seba ke ez ecîz bikerê, wina kerd. La ez do ecîz nêbî û fek fikranê xo ra veranêdî..''