Komêkê nîjadperestan hêrişê dewa kurdan Sovetskoyî ya Kazakîstanî kerd û cinîya kurde Rostamova Xanim (66) bi îşkenceyî qetil kerde.
Dewa Sovetskoyî ya qezaya Sairamî ya Kazakîstanî de vera keyeyanê kurdan hêrişo nîjadperest ame kerdene. Netîceya hêrişî de cinîya bi nameyê Xanime Koçer (66) vêşnaye. Keyeyê Rostemova cinîye wedarnaye nêweşxane la cinîye nêweşxane de dinyaya xo bedilnaye.
Goreyê agahîyanê ke dewijan pare kerdê dewa Sovetskoyî şerê sovyetan ra dima nê Kurdan koçê na dewe kerdo coka nameyê dewe zî Sovetskoyî yo. Nê dewijî tim raştê hêrişanê nîjadperestan yenê.
25ê adare de zî nîjadperestan hêrişê keyeyê Rostamova Xanim kerd. Goreyê agahîyan Rostemova senî ke ber akerd nîjadperestan benzîn eşt ser û a vêşnaye.