Kayê tîyatroyî yê kurdkî 'Bêrû' bi bahaneya 'nîzamê umûmîye xeripneno' ame qedexekerdene.
Kaykerdoxanê Bêrû ke vera qedexeyî hêrsê xo ard ziwan vat: ''Sebebê nê qedexeyî yo bingeyên bêtehamulîya vera ziwan, kultur û hunerê kurdan a.''
Vizêr sehneyê Şaredarîya Îstanbulî de hetê koma Teatra Jîyana Nû ra kayê tîyatroyî yê kurdkî yê bi nameyê 'Bêrû: Klakson Borizan Birt' do biameyêne mojnayene. Mojnayîşî ra çend saetî verî polîsan eşt sehne ser û kay bi bahaneya ke 'nîzamê umûmîye xeripneno' hetê Qeymeqamîya Gazîosmanpaşayî ra ame qedexekerdene. Polîsan sehne de tedaya kaykerdoxan kerd ke teblîgatê qedexeyî îmza bikerê la kaykerdoxan dokument îmza nêkerd.
Kayê 'Bêrû' (Bêrî) hetê nuştoxê namdarî yê îtalyanî Dario Foyî ra ame nuştene û serrgêra 4. ya mergê ey de hetê Dîlawer Zeraqî ra açarîya kurdkî ser. Koma Teatra Jîyana Nû ya ke pabesteyê Komeleya Kulturî ya Mezopotamya ya (MKM), bi kayê 'Bêrû' verê cû Moskova de xelate girewtbi.
Walîtîya Îstanbulî û Wezîrîya Karanê Zereyî zî dima îdîa kerd ke kayê Bêrû yê Dario Foyî 'propagandaya PKKyî keno' û vat coka tikrî bo zî kurdkî bo zî qedexe yo. La çîyo baldar oyo ke kayê Bêrû yo tirkî heta ewro nêame qedexekerdene. No zî dişmenîya dewlete yê vera kurdkî fîneno çîman ver.
Kaykerdoxanê Bêrû ke vera qedexeyî hêrsê xo ard ziwan vat: ''Sebebê nê qedexeyî yo bingeyên bêtehamulîya vera ziwan, kultur û hunerê kurdan a.''