Tîyatroyê Şaristanî yê Amedî yo ke rîyê janê Korona ra girewte bi, pê kayê 'Don Kişot'î agêra.
Tîyatroyê Şaristanî yê Amedî yo ke janê rîyê Korona ra girewte bi, pê kayê 'Don Kişot'î yê Miguel de Cervantesî agêra ser sehneyan.
Promîyerê kayî şewa bîne saete 19.00 de qezaya Kayapinarî de Tîyatroyê Amedî de ame kerdene.
Îdarekarê kayî Ferhad Feqî yo Kay de kaykerdoxî Ozcan Ateş, Şahabettîn Dag, Berfîne Emektar, Dîcle Guneş Yavuz, Ozkan Şener û Şîlane Alagoz ca gênê.
Ozcan Ateşî kayî ra dima îzah kerd ke, înan 5 serrîyo ke waştêne Don Kişot kay bikerê. Ateşî vat: ''Karakter Don Kişot hîkayeyanê şovalyeyan waneno û keweno rayîrêk. O wazeno vera zulmî kişa bindestan de ca bigêro. Ma kayê xo yê ewilî kay kerd, aşmêke ra dima zî ma vejenê turne. Îstanbul, Adana, Îzmîr, Mersîn û Anqara de girseyê ma estê. Ma wazenê şorê Ewropa zî. Janê Korona de ma vindertî. Ma sezonê neweyî de kayanê neweyan seyrkerdoxanê xo rê pêşkêş bikerê. Ma vera janî tedbîrê xo girewtî. Seyrkerdoxî eşkenê pê zerrîya rehete bêrê kayanê ma.''