Merkezê Xeberan- Bankavan û aktîvîsta kurde Narîn Nadîrova (Narîna Kinyazê Hemîd) welatê Qazaxistanî de sey ' Şexsa Serre ' amey weçînayîş û xelate dîya ci.
Reya ewilî cinîyêka Kurde Qazaxistan de bena ‘Şexsa Serre’ û xelate gêna.
Xelate vizêr bajarê Almatî de bi beşdarîya xeylê kes û îdarekeranê Qazaxistanî, hetê Serekê Kurdanê Qazaxistanî mamoste û Dr. Kinyazî Îbrahîmî ra amey dayene.
Merasîmê xelatdayîşî de kesayetê Kurdî ê sey Nadir Nadirov, Ezîzê Ziyo Bedirxan, Ezîmê Şemo zî tede xeylê endam, îdarekar û mesûlê Yewîya Kurdanê Qazaxistanî ca girewtî.
Narîna Kinyazê Hemîd kurdêka Soveyetî ra ya û kênaya kesayetêko namadar Nadir Nadirov a û bankavan a. Nadîrova serra 2016î de zî sey ‘Bankavana Serre’ ameybî weçînayîş û xelate dîyabî ci. Nadîrove heto bîn ra serra 2017î de ‘Xelata Yewitîya Şarî ya Qazaxistanî’ girewtbî.