Karkerê ke Şîrketê Ceyranî yê Dîcle (DEDAŞ) de xebitîyenê semedê heqanê xo ewro 6 şaristanan de ameyî verê awanîyanê şîrketî û semedê heqanê xo şîrkeyê DEDAŞî protesto kerdê.
Karkerî cayanê sey Amed, Mêrdîn, Riha Sêrt, Batman û Şirnex de çalakîyê protestoyî kerdî. Karkerî wazenê wa maaşê înan û heqê înan ê bînî bêrê raşkerdiş.
Protestoyê ke ewro serê sibayî dest pêkerdî do hetanî saete 17:00 dewam bikerê.
Dîyarbekir de seyan karkerê şîrketî verê bînaya DEDAŞî ke semtê Kantarî de ca gêna de ameyî têhet. Karkeran sloganê "Ma do bi xoverdayîş serbikewe" vatî. Semedê protestoya karkeran tedbîrê asayîşî ameyî girewtiş û xeylê polîsî ameyî verê awanîya Dedaşî.
Heto bîn ra ame zanayîş ke, îdarekaranê şîrketî karkerî tehdît kerdê, înan ra vatê , "Eke şima heqanê xo biwazê ma do şima gure ra veje"
La karkerî çalakîya xo de qerardar ê û vanê, ma do hetanî peynî semedê heqanê xo micadele bike.