Serekê Amerîka Joe Bidenî da zanayene ke şefê El Qayîdeyî Ayman El Zewahîrî Kabîl de hêrişêkê dronî de kişîyayo.
Serekê Amerîka Joe Bidenî şanê dişemeyî bi eşkerayîyêke pare kerd ke Ayman El Zewahîrî şewa şeme-yewşemeyî de Kabîl de hêrişêkê dronî de kişîyayo.
Bidenî dîyar kerd ke hêriş bi fermanê ci ameyo kerdene û vat: ''Edalet ame caardene û no îdarekaro terorîst hînî çin o.''
Amerîka seba tepişîyayî Zewahîrîyî xelata 25 mîlyon dolarî nabî ro. Zewahîrî 2011 de bibi şefê El Qayîdeyî.
Selahîyetdaranê Amerîka îfade kerd ke Kabîl de bîyayîşê Zewahîrîyî 'binpaykerdişo eşkera' yê peymana bi Talîbanî yo. Goreyê peymane ganî El Qaîde Afganîstan de çin bibîyêne. Na peymane ra dima Talîban 2021 de bibi îqtîdar.