Vexwendina Erdoğanî bo rêûrêsma bidawîhatina Yekemîn Şerê Cîhanê ku wê 11ê Mijdarê li Parîsê were lidarxistin, ji aliyê gelek akademîsyen, rewşenbîr, siyasetmedar û sazî û dezgehên sivîl ve hate şermezarkirin.
Di belavoka li rojnameya Le Mondeê de hatî belavkirin de bi taybet Qirkirina Ermaniyan ku ji aliyê Tirkiyê û Erdoğanî ve tê înkarkirin, derkete pêş.
Di belavoka ku tê de rexne li polîtîkayên Tirkiyê yên li ser Kurdan û Kibrisê hatî kirin de hat gotin Tirkiyê cîhadîzm û antîsemîtîzmê gur dike û nefreta li dijî Îsraîlê zêde dike.
Herwiha bale kişandin ser vê ku li Tirkiyê mafê azadiyê tê binpêkirin û Tirkiyê bûye mezintirîn zindana rojnamevanan.
Kesên vê balavokê îmze kirin, ji Mcronî xwestin ku rabigihîne ku beşdarbûna Erdoğanî ya li vê rêûresmê naye wateya pejirandina van siyasetên Tirkiyê.