Rêveberiya Xweser a Rojavayê Kurdistanê û Rojhilatê Sûriyê, li ser bûyer û xwepêşandanên erebên Minbicê ku hejmarek kes jî hatine kuştin û birîndarkirin daxuyaniyek belav kir.
Rêveberiyê bang li welatiyên Minbic û eşîrên wê kir ku nekevin xefka fitneyan û ewlehî û berjewendiya giştî biparêzin.
Di daxuyaniyê de hat diyarkirin ku di destê wan de belge hene ku hewildanên tevliheviyê yên rejîma Şamê û Tirkiyê ne û hat gotin: “Ji destpêka rizgarkirina Minbicê heta îro gelek alî hewl didin bi awayekî plankirî ji nû ve terorê zindî bikin û aramiya ku ji destpêka rizgarkirina wê ve peyda bûye têk bibin.
Rêveberiya Xweser herwiha da zanîn, xwepêşandanên aştiyane mafê gel yê rewa ye û ew tim bi gel re ne.
Di dawiyê de jî hat diyarkirin, “Di van du rojên dawî de şaneyên rejîma şamê û dewleta Tirk bi rêya van xwepêşandanan dixwazin aramiya heremê têk bibin û divê gelê me hşiyar be.”