Wezareta Berevaniyê ya Amerîkayê (Pentagon), Wezareta Pêşmerge bo beşdarkirina "Konferansa Kombûn û Yekbûnê" ya ku dê li Washingtonê bê kirin vexwend.
Birîkarê Wezareta Pêşmerge Serbest Lezgîn ji Rûdawê re ragihand ku got şandeke ji Wezareta Pêşmerge ya Herêma li ser vexwendina fermî ya Pentagonê bi heyeteke beşdarî konferansa li Washingtonê bibin.
Serbest Lezgîn got: “Konferansa Kombûn û Yekbûnê, ku dê di 13ê Îlonê de were lidarxistin, dê hefteyekê berdewam bike. Hevalbend û hevpeymanên Amerîkayê dê beşdarî konferansê bibin. Di konferansê de bûyer û geşedanên li herêmê dê werin nirxandin.”
Lezgîn diyar kir ku ew ê dê ji bo beşdarkirina civînê îşev bier bi Washingtonê bi rê bikevin û got ku ew şanda Wezareta Pêşmerge ji Cîgirê Serokerkanê Hêzên Pêşmerge Hoşmend Heyder Reşîd û Rawêjkarê Wezareta Pêşmerge Bextiya Mihemed Sadiq pêk tê.
Li gorî agahiyên hatin bidestxistin, nûnerên Wezareta Berevaniya Iraqê û Wezareta Navxwe û herwiha saziyên ewlekariyê yên girîng dê beşdarî konferansê bibin.
Amerîka di şerê li dijî DAIŞê de yek ji girîngtirîn hevpeymanên Pêşmerge ye. Di vê çarçoveyê de rêveberiya Washington perwerde, alav û piştgiriya darayî dide Wezareta Pêşmerge.