Civîna sê alî ya di navbera Wezîrê Karên Derve yê Rûsyayê Sergey Lavrov, Wezîrê Karên Derve yê Îranê Cewad Zarîf û Wezîrê Karên Derve yê Tirkiyeyê Mevlut Çavuşoglu de destpê kir.
Lavrov ev tişt gotin
"Me ji bo rewşa Sûriyeyê û derdora wê bi hevdu bişêwirin, ev civîn li dar xist. Ji bo Sûriye di bin van şert û mercên dijwar de bikaribe di rêya normalîzebûnê de pêşve biçe, divê em tavilê di çarçoveya formatê ya Astanayê de bergiriyên kolektîf bigirin."
'RÛSYA, TIRKIYE Û ÎRAN YEKPERÇEBÛNA AXA SÛRIYEYÊ DIPARÊZIN'
Lavrov destnîşan kir ku Rûsya, Tirkiye û Îran dixwazin pirsgirêka Sûriyeyê bêyî ku li herêmê ji bo sînorên navdewletî bibe metirsî, çareser bibe û derbirî ku her sê welat jî yekperçebûna axa Sûriyeyê diparêzin.
‘HER SÊ WELAT DIKARIN PIŞTGIRIYÊ BIDIN HIKÛMETA SÛRIYEYÊ'
Sergey Lavrov da zanîn ku Moskow, Enqere û Tehran ji bo paqijkirina terorîstan dikarin piştgiriyê bidin hikûmeta Sûriyeyê.