Bajarê Sûrîye Îdlîb de hetêk ra terorîstê EL-NUSRA hetêk ra Rejîmê Sûrîye û Rusya û hetêk ra zî OSO û Tirkîya.
Qasê aşmîyo ke Rejîmê Sûrîye û dewleta Rûsya bajarê Îdlîbî danê bombeyan ver. Heta nika qasê 600 kesî amê kiştene û hezaran kesî zî Îdlîb ra koç kerd.
Temsîlarê taybet yê Amerîka James Jeffreyî derheqê şerê Îdlîbî de beyanat da û va: Herêma Îdlibî de adirbesêk lazim o. Tena Îdlîb de ney pêruna Sûrîye de lazimtîya adirbesêk esta. Ma kenê ke şerê Îdlibî bide vindarnayîş.
Verfeka Komîserîya Berze ya Heqanê Merdiman ya Neteweyê Yewbîyayî (NY) Marta Hurtado zî vana heta nika Îdlîb de 105 sivîlî amê kiştene û mîyan de domanî zî estê. Gorê beyanatê Hurtado ra 200,000 kesan zî cayê xo ra koç kerd.
Heto îdîa beno ke demo peyên de Îdlîb de çekê kîmyewî amê xebitnayene. Dewleta Fransa zî naye ser wazena wa seemdê îdîaya xebitnayîşê sîlehenaê kîmyewî cigêrayîş bêro kerdene