Goreyê cigêrayîşêko ke hetê Servîsê Meteorolojî yê Brîtanya (Met Office) ra ame kerdene, zimistanê 2019-2020'î goreyê wextê vîyarteyî beno ke hîna serd bo.
Goreyê cigêrayîşî vayo sey 'Cinawirê Rojakewtene' yo ke par Îngilistan, îskoçya û zafê welatan ser tesîr kerd, beno ke emser zî bêro. No vayo ke serdê Sîbîrya ano Ewropa, nêno zanayene ke emser do çi wext dest pê biko.
Cigêrayîşê Met Office de nameyê 'Cinawirê Rojakewtene' sey nûmune xebetneno, beno ke menga Çile û Sibate sey serdê Sîbîrya bibe. Seba vayê 'Cinawirê Rojakewtene' ke par tesîr kerd, tayê dezgehê medyaye de 'Parîs-Moskova' zî ameyêne vatene. Germîya parî ya zimistanî London de kewtbi binê sifirî. Kêmîtîya sermaye ra zafê projeyanê binsazîye bi hewayêkê demkî ameyî vindertene. Cigêrayîşê Met Office de ame mojnayene ke seba ke bêrê tesbîtkerdene ke serdê destpêkî yê serra 2020'î kam yew aste de hewcedarîyî estê.